Þegar Fjölnir og BÍ/Bolungarvík mættust í fyrstu deild karla í dag var einn leikmaður inni á vellinum sem átti nokkur hundruð leiki að baki í tveimur efstu deildunum á Englandi. Sá leikmaður átti eftir að gera gæfumuninn því Nigel Quashie skoraði tvö mörk í síðari hálfleik sem hjálpuðu BÍ/Bolungarvík að landa sínum fjórða sigri í fyrstu deildinni í sumar.
Meira

BÍ/Bolungarvík fær heimaleik gegn ÍBV í 16-liða úrslitum Borgunarbikar karla en dregið var í dag í höfuðstöðvum KSÍ. ÍBV leikur í Pepsi deildinni og hefur byrjað tímabilið ágætlega. Hermann Hreiðarsson þjálfar liðið í dag og ekki ómerkari maður en David James stendur í markinu. Það hefur væntanlega aldrei gerst áður að þrír fyrrverandi leikmenn úr ensku úrvalsdeildinni hafið leikið á sama tíma á hinum goðsagnakennda Torfnesvelli. Nigel Quashie, David James og Hermann eiga það allir sameiginlegt að hafa leikið vel yfir 100 leiki með Portsmouth.

Leikurinn hefur verið settur á föstudaginn 21.júní klukkan 19:15, hinsvegar er leikur hjá BÍ/Bolungarvík daginn eftir við KA á Akureyri. Við komum með upplýsingar hvort þessi eða aðrir leikir verða færðir útaf þessari viðureign. 

Það var margt um manninn á Torfnesvelli þegar Bí/Bolungarvík tók á móti Selfyssingum í kulda og norðanátt.
Leikmenn Bí/Bolungarvíkur voru töluvert sterkari í fyrri hálfleik þar sem þeir léku með vindinn í bakið og leið ekki langur tími þar til að fyrsta mark leiksins leit dagsins ljós.
Meira

BÍ/Bolungarvík og Orkubú Vestfjarða skrifuðu í dag undir samsstarfssamning. Orkubúið verður einn af aðal bakhjörlum félagsins næstu þrjú árin. Samúel Samúelsson, formaður BÍ/Bolungarvík, og Sigurjón Kr. Sigurjónsson, Orkubúi Vestfjarða, skrifuðu undir í dag í höfuðstöðvum Orkubúsins.

Stjórn BÍ/Bolungarvík er gríðarlega þakklát Orkubúinu fyrir þeirra framlag til félagsins og bindur miklar vonir við góða samvinnu næstu árum.

KFÍ TV hefur sett á netið myndbrot með helstu atvikunum úr leik BÍ/Bolungarvíkur og Reynis Sandgerðis í 32 lið úrslitum Borgunarbikarsins.
Meira

Í kvöld tóku leikmenn Bí/Bolungarvíkur á móti Reyni Sandgerði í æsispennandi leik á gervigrasvellinum við Torfnes, á Ísafirði.
Tveir lykilmenn voru fjarverandi í liði Bí/Bolungarvíkur en þeir Sigurgeir Gíslason og markvörðurinn Alejandro Munoz tóku út leikbann eftir að hafa fengið rautt spjald í síðasta leik gegn Grindavík.
Fyrri hálfleikurinn þótti ekki skemmtilegur að horfa á. BÍ/Bolungarvík sótti meira á Reynismenn en vörn gestanna stóð vaktina vel.
Meira

Á morgun, miðvikudag, mun BÍ/Bolungarvík taka á móti liði Reynis frá Sandgerði í 32-liða úrslitum í Borgunarbikarnum. Leikurinn hefst kl. 19:15 og fer fram á gervigrasvellinum á Torfnesi.

Varnarmaðurinn Sigurgeir Sveinn og markvörðurinn Alex fengu báðir rautt í erfiðum leik gegn Grindavík síðastliðinn laugardag. Þeir verða báðir í banni í bikarleiknum. 

Reynir Sandgerði leikur í 2. deild og eru sem stendur í neðsta sæti, hafa tapað öllum sínum þrem leikjum. Þjálfari liðsins er Atli Eðvaldsson.

Á morgun Sunnudaginn 12.maí koma góðir gestir í heimsókn á Torfnesið þegar Bí/Bolungarvík tekur á móti 3.deildarliði Augnabliks á Gervigrasvellinum í Borgunarbikarnum.
Leikurinn mun hefjast á slaginu 14:30 og vonumst við til að sjá sem flesta á vellinum.

"Þetta er alveg agalegt, þetta lítur satt best að segja ekki vel út fyrir okkur"  sagði Samúel formaður nú í morgun. Torfnesvöllur er ennþá undir snjó og útlitið næstu daga ekki gott. Fyrirhugað var að vígja nýju stúkuna þann 18.maí næstkomandi en vegna veðurs hefur verkið tafist og útlit fyrir að fresta þurfi vígslunni. 

Fyrsti heimaleikur liðsins í deildinni er laugardaginn 18.maí og byrjað er að ræða um breytingu á þeim leik. Heimaleikurinn er gegn Þrótti R. og stendur til að gera leikinn að heimaleik Þróttara. Það verður tekin ákvörðun um það þegar nær dregur.

"Liðið fer til Húsavíkur á miðvikudaginn og spilar fyrsta leikinn í deildinni á fimmtudaginn við Völsung. Síðan kemur leikur í bikarkeppninni á mánudaginn hérna heima gegn Augnablik. Við munum spila þann leik á gervigrasinu en fyrsti heimaleikur í deildinni er ekki kominn á hreint ennþá." 

Útlit er fyrir að fyrstu umferðirnar á Íslandsmótinu hliðrist eitthvað til um land allt. Spáin segir til um að það eigi að hlýna um helgina, þá verður komin sunnan- og suðvestanátt, en síðan eru vísbendingar um að það verði komin norðanátt strax aftur á mánudaginn.